Menu

Symposium national: Des guides religieux musulmans et chrétiens promeuvent les valeurs traditionnelles et la citoyenneté

Abbé Osario, expert en pastorale de la Fraternité Interreligieuse, souligne la Pertinence des valeurs cardinales que sont le "jom, mugn, sutura et hersa" dans l'implantation de la culture de la fraternité interreligieuse au Sénégal. lors du Symposium National sur la promotion des valeurs et de la citoyenneté, tenu à Thiès le 13 avril 2018.



 
Introduction
Damay faral di degg ci miim reew gnu naan : « mag ñu baax gni fi tëdd ». Su ko defe, simila’k saala gnu tambale lim ay tur ci tarixa bu nekk. Dëgge la, mag bonu seen ligey rafet na. Seen jaan wacc na. Ndax lolu war na tax gnu bank sugnu i loxo ? Deedet ! Li fi maam yi baayi waru nu ko bayi mu reer. Japp na ni da no wara def sunu kemtulaay kantan be samm ko. Mu mel ni ci tank yoyu ngeen di dox, yeen wa RETRO. Kon, faw ma gërëm leen, yeen gni ma wo boote ma ci waxtaan wi. Su ko defe, ci ndigalu Monseigneur André Gueye, ma tewal fi Église bi, di jangu catholique bu Thiès. Menes na wax sax ci turu jangu Sénégal bepp ndem jangu bi benn la.
Su lolu weeso, nu gnëw ci valeurs yi, jiiko yi manam : jom, muñ, sutura, kersa ak fayda. Mu mel ni lii bokk na ci li tax digante Sénégalais yi, ak fu waay mëna bokk, gnu naan fraternité interreligieuse. Solos waxtaan bi moy : li  nu wara def be jiiko yoyo gëna rataxal digante musulmans ak chrétiens ?
  1. Jom
Nit ku am diom moy ku nango ligey. Te sax lolu la ñu Yalla sant, dale ko sunu maam Adama ce teere njalbeen ya : gnakk jërigno. (Gn 3,19) Nit ku gnakk jom moy ko xam ne faalewul dara. Ko xam ne du gorgorlu mukk, ko xam ne da naan yacc ne yasar. Mu mel ni xamul ne jom moy bagn ku la yab.
Jom nak, so ka de seet moy jomb. Dafa am ci Evangile bi, ku amon dogal, ko xamne surga ba da faabaron. Mu daldi gnëw ci Jésus ne ko : “Borom bi, jomba na ma nga dikk fi man” (maanam sama biir kër). Waaye waxal benn baat rek te sama surga dina wer” (Mt 8,8). Baakaar dana tax be nit dem be dotul am yaakaar. Mu mel  ni ku  yërmande Yalla jomba. 

Ba tey ci Evangile bi (Lc 16,1-15), amnonna itam surga bo xam ne da daan pasar pasare alalu njaatigem. Mu naron ko dakk ci ligeyam. Surga taxaw xalaat te naan : mënuma bey te jombana gnaanatu. Kon, nan lay def ? Ndeysaan. Mo tax, ligey jarul xeeb te matna fonk. Yenn jom yi nak, so deful ndank sank sa bopp. Yeen a ngi fatteliku xabar u “Xanju” ? Ba ko xarit ba ne “teen bi gënon nafe dey ma root rootalel la”, naan la def ? Xana daw dem tabbi ci teen daldi xaru. Lolu jom la. Waaye jom ju ëpp be turu, baaxul. Xeyna lu mel ni mo tax gnu wax jomu sereer.
Jom moi, jombana wax yenn yi sama morom. Waxtaan, wax dëgg ca la. Ba ma de gune, daan na degg gnu naan “julit ak yeefar”. Ma yaakaar ne waxu gune la rekk lawon. Am deet ? Ku xam bu baax fan la baatu julit joge ak lan lay tekki do ni waxe. Mo tax yenn yi war no ko jomb wax. Jom daal, dey feegn ci ligey ak ci mandute ; fexe be kenn du la yab. Waaye itam fexe be do yab kenn.
  1. Mugn
Tiis, nakkar, nattu, coono…, lolu da bokk ci dund domu Adama. Te it nattu bo gis amna lumuy natt ci nit. Yennsaay Yalla suy defar day mel ni kuy yakk. Be tax na demsi Yalla Ndiaga Mbaye ne : “Mugnal li la dal, Yalla buur bi day nattu jaamam”. Mugnal, Yalla won la yoon be do reer.
Setlu na ni ku fi am dëj say dëkkando gnëw taxawu la, jappale la, defal la, jaale la. Mo xam chrétien nia, mo xam musulman nga. Sa dëkkando moy sa mbokk. Mo tax gnu wara mugn di mugnalante. Japp na ni yenn yi akk xam la. Li nu boole doon benn mo sut li gnuy jeema feewale.
Li la ñuy wax ci digante chrétiens yi. Mën na gnu ko wax it ci digante chrétiens yi ak musulmans yi. Lolu la nu xam te mom la nuy gnaan Yalla bes bu nekk : “Baal gnu sunuy  tooñ naka la nu baale ña nuy togn. Te bu nu bayi nu tabbi ci Iblis. Waaye musal nu ci lu bon”. Da nuy gnaan Yalla mu musal nu ci Seytaane. Ni ko Youssou Ndour woye : “Seytanne day yakk xel, di soppi xalaat, di feewale andando”. Nu ngi rafetlu sunu digante waaye na nu gëna gorgorlu di mugn te mugnalante.
Da am ki nu tudde ci Évangile « le débiteur impitoyable » (Mt 18, 21-35). « Jésus dafa wax ni : « Nguru Yalla Adji kawe dji, dafa mel ni buur bu bëgg wagni alalam ak ay jaraafam. Ba mu tambale wagni nak, gnu indil buur ku ko ameel ay million yu bare bari. Waaye jaraaf ja amul lumu ko faye. Sangam santaane gnu jaay ko, mom ak jabaram ak ay domam ak lepp lumu am ngir fay bor ba. Jaraaf ja daanu ci tankam ne : "mugnal ma. Dina la fay lepp". Nonu sangam yërëm ko, bayi ko, baal ko bor ba.  Bi lolu ame, jaraaf ja genn, gis benn moromu jaraafam bu ko ameel ay junni. Mu daldi di ko japp, pogne ko, ne : "fay ma li nga ma ameel". Moromam daanu ci suuf gnaan ko ne : "mugnal ma. Dina la fay". Waaye nanguwu ko. Mu dem tëj ko kaso be kerog muy fay li mu ko ameel.  Bi ay moromam gise lolu nak, ñu am nakaar gu rey, daldi dem, xamal seen sang li am lepp. Sang ba wolu jaraaf ba ne ko : " yow jaraaf ju soxor nga. Baal na la sa bor bepp ndaxte tinu nga ma. Lu tax yow itam yërëmo sa morom, ni ma la yërëme. Nonu sang bi mer, jebal ko gnu tëcko ca kaso, be kerog muy fay li mu ko amel lepp”. Ndeysaan. 

  1. Sutura
Sutura bokk na ci jëf te Yalla tax : jëfu yërmande (œuvres de miséricorde, Mt 25, 31-46). Les œuvres corporelles : jox lekk gni xiif, jox ndox gni marr, solal ñi amul yërë , agali doxandeem yi, nemmeku gni feebar, seeti gni gnu tej kaso, rob gni dee (cas à Mboro). Les œuvres spirituelles : xelal gni am xel-gnaar, jangal gni xamul, baal baakarkat yi, fexalal xol u gni nekk nakkar, tiin toogn yi. Mugnal gnenn gni, gnaanal Yalla gni di dund ak gna dee. Mënu gnu bokk gnaan waaye mën nanu and gnaan.
Yërmande  mo waral Caritas, maanam charité sala coofeel, ndimbal newdoole yi rawatina miskin yi. Amna itam li gnu tudde œuvres sociales de l’Église. Lu ci mel ni li may bëgg lim fi ci Thiès : maternité de la miséricorde, hôpital Saint Jean de Dieu, école Sainte Anne, Caritas. Caurie. So seete, jëf ju baax dëkkul fenn. Waaye li Mère Thérèsa wax rek mo fi ne. Nena : “nun chrétiens yi, li gneneen gni di def rek la nuy def. Waaye amna li tax nu kay def , amna ki tax nu kay def”: Yeesu. Waaye nak, sutura baax na ci ak bammeelu biir. Woykat bi ne na : « Kuy def ngir gnu taccu la, do defal gaana. Kuy def ngir gnu wax ko, do defal muma. Ku def ngir gnu gis ko, do defal gumba ». Kon, yal na nu wey di def te Yalla tax. Te itam, yal na nu Yalla yokkal sutura".
  1. Kersa
 “Diw da am kersa”.  Foog na ni kersa ku ko am ku nekk do wax yenn yi te do def yen yi. Ñun de li la ñu ñu jangal : « lepp li gnu wara wax, lepp lu gnu wara def, da wara doon ci turu sunu Borom bi ». Lolu du noppi, mba ragal, wala timidité. Kersa la, yar la. Maanaan respecter sa bopp ak respecter sa morom. Fi jamono toll tey, amna développement technologie (NTIC). Technologie day defar lu bari. Teewul, day yakk lu bari ci li ñu naan valeurs, rawatina kersa. Jeunes yi warna gno def attention ci internet et les réseaux sociaux.
« Génération photos ». Nga degg gnu naan « coucou sinap ! Sinap ! ». Wala : « coucou, coucou, coucou sinap ! ». Photos, audio wala video. Jël informations personnelles jambur yu sensible daldi leen dugal internet du yoon. Lolu ku gnu ko def mu nakkari la. Attention ! Da am li gnu tudde droit à l’image, lolu war na ñu ko samm te respecter ko.
Gnu bari say u yeewo "buzz" la gnuy ut. Junj doyna borom xel. Kan la gnuy gene Êtas Unis ndax wax ju gnaaw ? Ban élève mo doon saboter (caricature) Président de la République par photo-montage ? Ana woykat bi saagawon Président par audio. Kan mo saagawoon olof yi par vidéo ? Ban député mo demon Guédiawaye di wax ci mbiru statistiques ak pourcentage be ni le Sénégal est un « pays de mahométans » ? Lolu du waxu kilifa te tey jur li  gnuy tudde prosélytisme.
Amna itam radicalisation par internet, batailles en ligne, guerres de religion numérique. So dugge Youtube be lire, commentaires sous vidéo yuy wax ci chrétiens yu apostasier sa xol dey jeex. Gisna gnu fi caricatures yu metti musulmans yi lool be chrétiens yi di ko mettitlu ak gnoom.
Kersa bokk na ci samm sa waxin, samm sa doxin, samm sa jëffin ak sa vie privée. Kersa bokk na ci maandu ci diine jambur. Diine jambur so ci mënul wax lu baax, neel cell, neel tekk.
  1. Fayda 
Dama doon laaj benn Sœur ne ko lan mo tax nuy boole fulla ak fayda ? Ndax benn la ? Mu ne ma : « amna fulla bu toll ni kenn du ma yab. Amna fayda wax sama soxla ». Su ko defe, ñu ne doon gune du te nga am fayda. Te itam, gune su loxom sete mën na bokk ndab ak mag. Yaakaar na ni mag gni sunuy wax fayda,  jëmale ko ci yeen jeunes yi, da gno bëgg bokk ak yeen ndap. Kon, da ngeen wara fexe be wone ne doon jeunes taxul ngeen gnakk fayda. “Même gumba sax so ko ne gumba gi, mo gis boppam”.
Adduna gnaar a am : « ku bëgg dara ak ku bagnatul dara ». Ku bëgg dara da ngay gorgorlu, def dara ngir am ci dara. Ku bagnatul dara nak moy ko xam ne lumu am jël. Gnakk lay bagn. Lolo dina waral nit mar naan be mujj naan potit ndax yakkamti addunam. Su ko defe su robinet ubbe mu daldi rus. Sayda moe tax be gnuy bagn yenn yi.
Am fayda baax na. Waaye, lo am am fayda, japp bagna baayi, su la gnepp gnaane nangul. Sénégal nak, naka jekk, su dara mësaan xew, da na am ay mag yu daan dox tank jamm be lepp sotti. Bokk na ci li la gnu nawe Mame Abdou Aziz Sy Dabaax. Da baax. Ak Cardinal Thiandoum. Fayda ci wax juy defar rekk a am solo. Ni ko waaji waxe : « Ute mënuta gnakk naam. Waaye sugnu waxtaane gnu jubo ». Du reero, gnakk waxtaan a am. Wax dëgg Yalla, « wax mënuta doon benn waaye xalaat na rafet be lepp di benn, xol yi di benn » (Ndiaga Mbaye).
Conclusion 
Gnu ne crise des valeurs. Naka jekk Sénégal demb be tey valeurs ya ngi fi. Teewul ku bëgg baax di nga baax. Da gno wara nangu ne majorité musulmane ak minorité chrétienne, lolu amul solo. Ndaxam su chrétiens ak  musulmans mëne dund boba be tey, dund gu neex Yalla te neex nit gni ay valeurs a ko waral. Valeur nak, dëkkul ci l’islam, dëkkul ci diine chrétien. Fi la leen sugnu diine yi fekk. Beneen yoon su nu ci mëne boole teranga dina baax. Ndax so setlo, mba so deme bitim reew da gny wax naan : pays de la teranga, lions de la teranga, teranga sénégalaise. Ma ngi leen di gërëm ci deglu bi.
Abbe Osario 
Publié par Chargecomeveth, | Lu 149 fois

Nouveau commentaire :


Recevez nos infos

Publications

L M M J V S D
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Derniers tweets
DioceseThies : Assemblée Générale du clergé séculier sénégalais : déclaration finale    Notre Assemblée 1. Nous prêtres,… https://t.co/OjN7Gxuwpc
Samedi 22 Septembre - 23:19
DioceseThies : Forum du Mouvement Salésiens des jeunes: La paroisse Marie Auxiliatrice de Thiès accueille 90 jeunes Thème du forum… https://t.co/TRjQYn6fUy
Mardi 18 Septembre - 19:40
DioceseThies : Bambey: Célébration de la fête patronale « Il est évident que nous, hommes et femmes, rencontrons aussi des croix,… https://t.co/Vvqv28HJ4d
Mardi 18 Septembre - 19:10
DioceseThies : Culture du travail pour l'auto prise en charge: Monseigneur Gueye installe les premiers réflexes Le prêtre en forma… https://t.co/Th8bvjVlRk
Lundi 17 Septembre - 14:44


Nous suivre sur...